Nus essan l’associaziun professiunala principala da l’economia da construcziun dal Grischun.
Nus represchentain ils interess intermanaschials da nossas firmas commembras.
Nus lavurain tenor las enconuschientschas modernas da l’economia da manaschi e tenor las metodas da management actualas per organisaziuns da non-profit.

Nus avain:

• in cler mandat da prestaziun da noss commembers

• in maletg directiv sco basa per la collavuraziun cun tut las gruppas participadas

• ina clera organisaziun da las structuras e dals process

• in saun fundament finanzial

• mandataris engaschads sco era collavuraturas e collavuraturs qualifitgads.

Nus ans engaschain a favur da noss commembers per bunas cundiziuns da basa ed ina
meglra posiziun sin il martgà:

Nus prendain activamain influenza en associaziuns economicas, cumissiuns politicas e gruppas da lavur e sustegnain las parlamentarias ed ils parlamentaris, la Regenza e l’administraziun en lur lavur politica.
Nus vulain cuntanscher cundiziuns egualas en la concurrenza per mandats en l’industria principala da construcziun dal chantun Grischun sin basa d’in dretg da concurrenza senza discriminaziun e d’in contract collectiv da lavur liant per tuts.

Nus sustegnain:

•  in stadi da dretg democratic e liberal

• saunas finanzas statalas

• ina gronda libertad d’interprendider

• cundiziuns egualas en la concurrenza

• ina furmaziun professiunala che correspunda als basegns per interprendiders, caders sco era collavuraturas e collavuraturs.

Nus faschain activamain reclama per la moda da construir da l’impressari en la construcziun auta, la construcziun bassa e la construcziun d’infrastructura tar patruns da construcziun e lur influenzaders.

Nus ans engaschain per:

• ina communicaziun transparenta interna ed externa

• ina purschida da servetschs differenziada per betg commembers

• il diever d’ina tecnica da communicaziun e d’infurmaziun moderna

• in barat activ cun noss partenaris da rait ed ils organs da la Societad svizra dals impressaris constructurs.

Statuts